Home / چیچہ وطنی نیوز / یونیورسٹی آف ساہیوال میں ملازمت کے خواہشمند افراد کے لیے خوشخبری
UOSAHIWAL

یونیورسٹی آف ساہیوال میں ملازمت کے خواہشمند افراد کے لیے خوشخبری

ساہیوال (ملک دلاور سلطان سے) پنجاب حکومت نے یونیورسٹی آف ساہیوال کے سلیکشن بورڈ کے لئے 2 ممبران کی تقرری کر دی ہے جس سے سلیکشن بورڈ مکمل ہو گیا ہے اور اب یونیورسٹی پہلے سے وصول کی گئی درخواستوں پر بھرتی کا عمل شروع کر رہی ہے –

واضح رہے کہ یونیورسٹی آف ساہیوال نے گریڈ 1سے 21 تک اساتذہ اور دوسرے سٹاف کی بھرتیوں کے لئے درخواستیں طلب کی تھیں لیکن سلیکشن بورڈ مکمل نہ ہونے کی وجہ سے بھرتی کا عمل رکا رہا –

یہ بات یونیورسٹی ترجمان نے ایک پریس ریلیز میں بتائی – انہوں نے بتایا کہ گورنر پنجاب کی منظوری سے یونیورسٹی کے شعبہ مالیکیولر بیالوجی کی پروفیسر ڈاکٹر کوثر ملک اور گورنمنٹ کالج یونیورسٹی فیصل آباد کے شعبہ کمپیوٹر سائنس کے چیئر مین ڈاکٹر رمضان طالب کو 3 سال کے لئے سلیکشن بورڈ کا ممبر نامزد کیا گیا ہے جس سے بورڈ کی تشکیل مکمل ہو گئی ہے اور اب بھرتیوں کا عمل شروع ہو سکے گا –

ترجمان نے مزید بتایا کہ جن 8 ہزار سے زائد امیدواروں نے پہلے سے درخواستیں جمع کروائی ہوئی ہیں انہی کی سکروٹنی کا عمل جاری ہے اور کوشش کی جا رہی ہے کہ یہ تمام کام جلد از جلد مکمل کر کے یونیورسٹی سٹاف کی شدید کمی کو پورا کیا جا سکے –

About Farooq

Arshad Farooq has been an Urdu Columnist, feature writer and blogger for 10 years. Has has done masters in English and Journalism from Bahauddin Zakariya University Multan, Punjab, Pakistan.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے