Home / چیچہ وطنی نیوز / چینی کالج کے وفد کا کامسیٹس یونیورسٹی ساہیوال کیمپس کا دورہ
comsats university islamabad sahiwal campus

چینی کالج کے وفد کا کامسیٹس یونیورسٹی ساہیوال کیمپس کا دورہ

ساہیوال (عقیل اشفاق سے) چونگ کیوئینگ انڈسٹری پولی ٹیکنیکل کالج چائنہ کے وفد نے وائس پریذیڈنٹ مسٹر یو یی کی سربراہی میں کامسیٹس یونیورسٹی اسلام آباد، ساہیوال کیمپس کا دورہ کیا۔

دورے کا مقصد کامسیٹس یونیورسٹی کے اشتراک سے سلک روڈ سکولز آف چونگ کیوئینگ انڈسٹری پولی ٹیکنیکل کالج کا پاکستان میں قیام ہے جس سلسلہ میں یہ وفد کامسیٹس یونیورسٹی کے تمام کیمپسز کا دورہ کر رہا ہے۔

ساہیوال کیمپس کے ڈائریکٹر پروفیسر ڈاکٹر سلیم فاروق شوکت نے وفد کا استقبال کیا اور انہیں کیمپس کے بارے میں بریفنگ دی جس کے بعد مسٹر یو یی نے چونگ کیوئینگ انڈسٹری پولی ٹیکنیکل کالج، چائنہ کے بارے میں معلومات فراہم کیں۔

اس موقع پر پروفیسر ڈاکٹر سلیم فاروق شوکت نے کہاکہ چائنہ کے ساتھ پاکستان کا دوستی اور محبت کا رشتہ وقت گزرنے کے ساتھ ساتھ مضبوط ہو رہا ہے۔ موجودہ حکومت کی حکمتِ عملی کے تحت اس تعلق کو مزید فروغ مل رہا ہے جس کی ایک اہم کڑی چونگ کیوئینگ انڈسٹری پولی ٹیکنیکل کالج، چائنہ کے رہنما کا آج کا دورہ ہے۔

وفد کے رہنما مسٹر یو یی نے کامسیٹس انتظامیہ کا شکریہ ادا کیا اور کہا کہ پاکستان اور چائنہ کی دوستی کو مزید مضبوط کرنے کے لیے دونوں ملکوں کے نوجوانوں کو ہنر مند بنانا ہو گا تاکہ یہ رشتہ اگلی نسلوں میں منتقل ہو اور دونوں ملک اقتصادی و معاشی فائدہ حاصل کر سکیں۔

اس موقع پر وفد کو کیمپس میں قائم بین الاقوامی معیار کی حامل لیبز اور میوزیم کا دورہ کروایا گیا۔وفد میں ڈین آف فکیلٹی آف انفارمیشن انجینئرنگ مسٹر وانگ لوفینگ، ڈین آف فکیلٹی آف وہیکل انجینئرنگ مسٹر لی لی، چیئرمین شی ہانگ لوکوموبائل مینوفیکچر کو، چونگ کوئینگ مسٹر ژنگ پنگ اور کواڈینیٹر مس یانگ ینگ شامل تھے۔

About Farooq

Arshad Farooq has been an Urdu Columnist, feature writer and blogger for 10 years. Has has done masters in English and Journalism from Bahauddin Zakariya University Multan, Punjab, Pakistan.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے